martes, 29 de marzo de 2016

¿Qué ye WAI


Walls and integration ye'l títulu del proyeutu que presenta'l Conceyu de Macerata dientro del programa Europa pa los Ciudadanos, aprobáu y financiáu pola Comisión Europea.

El proyeutu tien l'oxetivu d'estimular la memoria colectiva de los ciudadanos faciendo una reflexón que parte de les divisiones ideolóxiques del pasáu como esplicación  pa comprender los cambios histórico-políticos  y sociales qu'aporten hasta la formación de la Europa contemporanea.


Participen nesti proyeutu tamién l'Osservatorio di genere, asociación cultural de Macerata que contribuyó a la creación de la web y la coordinación científica, l'Istituto Tecnico Commerciale Gentili de Macerata, la Universidá de Trento, la Universidá de Padova, la Universidá d'Uviéu, SUATEA, sindicatu asturianu d'educación, La Universidá Vytautas Magnus (Lituania), la Universidá Westfälische Wilhelms (Alemania), El Colexu Universitariu de Cork (Irlanda) y  la Universidá de  Budapest (Hungría).



WALLS:  muries reales ya ideolóxiques qu'estremen polítiques, cultures y comportamientos; 

INTEGRATION, pa poder andar pel camín d'una Europa inclusiva;

BUILDING, los procesos de futuru.


Son les tres palabres claves 

– Eventu 1: Muries, imaxes y memories perriba la guerra

– Event 2: Integración: la memoria, los relatos y les imaxes nun contraste ente vieyes y nueves xeneraciones d'europeos

– Event 3: Imaxes d'Europe 

– Event 4: Espardimientu


Estos tres eventos prevén esta riestra d'actividaes (working area – WA): 

Eventu 1:

  • WA 1 Esposición fotográfica colectiva, con conteníos recoyíos ente los participantes y que van ser espuestos en cuatro paises: Italia (una esposición en Macerata y en Padova), Alemaña, Irlanda y España.

Eventu 2:

  • WA 2: Seminarios e Talleres d'afondamientu entamaos polos participantes nel periodu de 18 meses de proyectu 
  • WA 3: Alcuentros y llecciones coles xóvenes xeneraciones entamaes en Macerata (Osservatorio di Genere), Uviéu (SUATEA), y Kaunas (Vytautas Magnus University)

Eventu 3:

  • WA 4: Mesa técnica colos participantes y Convención d'apertura de los trabayos de WAI (Macerata) y Convención Final (Uviéu)

Eventu 4:

  • WA 5: Actividá d'espardimientu del proyectu (Facebook, Twitter, Youtube) 



El primeru de los eventos va ser Walls immagini e memorie oltre la guerra que va analizar les divisiones d'Europa ente los dos bloques al traviés d'una esposición fotográfica colectiva, con conteníos peñeraos ente los seis países implicaos y van facer una esposición itinerante de 40 imaxes esbillaes que van esponese n'Italia, Alemaña, Irlanda y España. El material recoyíu va metese nuna APP dedicada a la esposición y descargable de baldre nel sitiu web del proyectu. 

Seminarios, talleres y concursos van ser en cambiu les actividaes propuestes pal segundu eventu col títulu Integration: la memoria, los relatos y les imaxes nun contraste ente xeneraciones vieyes y nueves d'europeos que van desenvolvese nos países implicaos pa cinta-y a les nueves xeneraciones la guerra fría y el nacimientu de dos bloques, el desenrrollu de les economíes europees occidentales y de les sociedaes de consumu y l'aniciu del procesu d'integración europea dende un puntu de vista económicu a lo primero y político-social depués. Los mozos y moces van ser los protagonistes activos de los eventos y va encamentáse-yos a reflexonar sobre los efectos de les divisiones nel actual procesu d'unificación europea. 

En definitiva, Images of Europe va rematar con dos eventos internacionales que van facer reflexonar a docentes , espertos y ciudadanos sobre'l futuru d'Europa. 

No hay comentarios:

Publicar un comentario