Ún de los encontos de la educación, non yá
del franquismu, sinón tamién del estáu lliberal que se constrúi nel sieglu XIX,
ye la ilesia católica. Énte la incapacidá del estáu pa criar una rede pública
d'escueles, delégase nuna ilesia que se pon a ello de bona gana, al ser esta
una de les compensaciones que recibe pola perda del so padremuñu agrariu. Esta
situación vese amplificada nes comarques del Nalón y del Caudal dende finales
del sieglu XIX, cuando la lexislación republicana francesa esclúi a les órdenes
relixoses del enseñu y éstes emigren a España, siendo recibíes colos brazos
abiertos pol gobiernu español, especialmente en zones como les anantes mentaes,
que yeren casi tierra de misión pa la Ilesia Católica. Depués del paréntesis de
la II República, la dictadura franquista refuercia con más vigor que nunca'l
papel de la ilesia na enseñanza. Escuela confesional. Escuela dixebrada por
sexos. Escuela que ta pa formar bonos españoles católicos, que nesta dómina son
términos casi sinónimos.
(Semeya cedida por Ángela González)
No hay comentarios:
Publicar un comentario